Bohat mudaat kay baad kal shab

Bohat mudaat kay baad kal shab
Kitab-e-maazi ko main nay khoula
Bohat say chehray nazar main utray
Bohat say naamoon pay dil paseeja
Phir aik safah aisa bhi aya
 likha howa tha jo anso 'oon say
Kay jis ka unwaam sirf tum thay
Kuch aur ansoo phir iss pay tapkay
Phir iss say aagay main parh na paya
Kitab-e-maazi ko band kar kay
Tumhari yadoon main kho gaya main
Agar tum miltay tou kaisa hota??
Innhi khayaloon main so gaya main....