aur toh kuch bhi nahi paas nishani teri
dekhti rehti hoon tasveer purani teri
ladkiyan aur bhi mansoob tere naam se hain
kya koi meri tarah aur bhi hai diwaani teri
main agr hont bhi sii lun toh meri khamoshi
saari duniya ko suna degi kahani teri
mere phoolon mein mehakta hai pasina tera
mere haathon mein khanakti hai jawani teri
raj mehlon mein kanizon ka raha hai ab tak
aur jungal mein bhatakti rahi rani teri
