Mere Khuwaabon Ke Gulshan Mein Khizain Raqs Karti Hai
Mere Honton Ki larzish Mein Wafain Raks Karti Hai
Mujhe Wo Lakh Tadpaye Magar Uss Shakhs Ki Khatir
Mere Dil Ke Andheron Mein Duain Raqs Karti Hai
Ussey Kehna Ke Lout Aaye Sulagtii Shaam Se Pehle
Kisi Ki Khushk Aankhon Mein Duain Raqs Karti Hai
Nikalta Hai Pari Chehra Kabhi Jab Raat Ko Yaaro
Andhere Toot Jaate Hai Ziyaaein Raqs Karti Hai
Utarta Hu Kabhi Jab Main Kitabon Ke Samander Mein
Kisi Ki Khuwaabidah Chehre Ki Adaaein Raqs Karti Hai
Khuda Jaane Kashish Kaisi Hai Usski Yaadon Mein
Main Uska Zikr Chherun Tou Haawaaein Raqs Karti Hai
